सेवानिवृत्ती बद्दल मान्यवरांच्या हस्ते श्री. सुभाष शिंदे यांचा सत्कार..

सेवानिवृत्त कलाशिक्षक श्री. सुभाष शिंदे यांचा सत्कार

जत : जत हायस्कूल अँड ज्युनिअर कॉलेज ऑफ आर्ट्स अँड सायन्स, जत येथील सेवानिवृत्त कलाशिक्षक व स्काऊट मास्टर श्री. सुभाष सदाशिव शिंदे यांच्या प्रदीर्घ व उल्लेखनीय शैक्षणिक सेवेला गौरव म्हणून त्यांचा शाल व पुष्पगुच्छ देऊन सन्मान करण्यात आला.

या प्रसंगी कलाशिक्षण इयत्ता ३री ते ८वी नवीन पाठ्यपुस्तक निर्मिती समितीचे सदस्य मा. श्री. शशिकांत गुरव तसेच सांगली जिल्हा कलाध्यापक संघाचे अध्यक्ष मा. श्रीकांत माळी यांनी श्री. शिंदे यांचा सत्कार करून त्यांच्या ३५ वर्षांच्या कला शिक्षण क्षेत्रातील मोलाच्या योगदानाचा गौरव केला.

यावेळी श्री. शिंदे यांनी विद्यार्थ्यांमध्ये कलाप्रेम, सर्जनशीलता, शिस्त आणि सामाजिक मूल्ये रुजविण्यासाठी केलेल्या कार्याचे कौतुक करण्यात आले. उपस्थित मान्यवरांनी त्यांच्या निवृत्तीनंतरही कला, समाजसेवा व शैक्षणिक क्षेत्रात असेच कार्यरत राहण्यासाठी शुभेच्छा दिल्या.

हा सत्कार समारंभ अत्यंत आपुलकीच्या वातावरणात पार पडला. उपस्थितांनी श्री. सुभाष शिंदे सर यांच्या पुढील आयुष्यासाठी उत्तम आरोग्य, आनंद आणि दीर्घायुष्याच्या शुभेच्छा व्यक्त केल्या.